NA NI INDIO
Don Jose Antonio Xokoyotsij
NA NI INDIO:
PAMPA IJKINOY NECH TOKAJTIJKEJ KOYOMEJ
KEMAJ ASIKOJ IPAN NI YANKUIK TLALTIPAKTLI.
NA NI INDIO:
PAMPA MOKAJKAYAJKEJ KOYOMEJ
KEMAJ ASIKOH KAMPA TLANAUATIAYAJ NOKOLUAJ.
NA NI INDIO:
PAMPA IJKINOJ NECH MANEXTIJKEY KOYOMEJ
PARA UELIS NOPAN NEJNEMISEJ UAN NECH PINAJTISEJ.
NA NI INDIO:
PAMPA IJKINOJ NECH MANEXTIJKEJ KOYOMEJ
NOCHI TIMASEUALMEJ TLEN NI YANKUIK TLALTIPAKTLI.
NA NI INDIO:
UAN NAMAJ IKA NIMOTLAKANEKI NI TLAJTOLI
TLEN YALUAYA IKA NECHPINAJTIAYAJ KOYOMEJ.
NA NI INDIO:
UAN NAMAJ AYOK NIJPINAUIA MA IJKINOJ NECHILIKAJ,
PAMPA NIJ MATI PARA MOKUAPOLOJKEY KOYOMEJ.
NA NI INDIO:
UAN NAMAJ NIJ MATI PAR NIJ PIXTOK
NO NELUAYO UAN NO TLAJLAMIKILIS.
NA NI INDIO:
UAN NAMAJ NIJ MATI PARA NIJ PIXTOK,
NO IXAYAK, NO TLACHIALIS UAN NO NEMILIS.
NA NI INDIO:
UAN NAMAJ NIJ MATI MELAUAK NI MEJIKANO
PAMPA NI TLAJTOUA MEJIKANO, TLEN ININTLAJTOL NOKOLUAJ.
NA NI INDIO:
UAN NAMAJ TLAUEL NI YOLPAKI
PAMPA UALAJ SE YANKUIK TONATIJ, SE YANKUIK TLANEXTLI
NA NI INDIO:
UAN NAMAJ NIJ MACHILIA TLAMISA KUESOLI,
SAMPA UELIS NIYOLPAKIS UAN NIMOYOLCHIKAUAS.
NA NI INDIO:
UAN NAMAJ SAMPA YEYEKTSIJ NIJ KAKI,
AYAKACHTLATSOTSONTLI UAN XOCHITLATSOTSONTLI.
NA NI INDIO:
UAN NAMAJ SAMPA NIKINITA
UAN NIKINTLAKAKILIA UEUETLAKAMEJ.
NA NI INDIO:
UAN NAMAJ SAMPA NECH NELUAYOTIA TLALTIPAKTLI,
TONANA TLALTIPAKTLI.
Tomaseuallalnamikilis
se tsontli xiuitl techmachteKoyotl kineki matinemikan
tokomontlal
tokomonteki
tomaseualteki
tomaseualtlajtol
yeka kineki matikilkauakan
tomaseualtlaken
tomaseualnemilis
tomaseuallalnamikilis.
nochi tlen touaxka
nochi tlen titlaeliltia
nochi tlen mila tlaelli
Compiled by: Glenn Welker>
Last Updated: June 23, 1996